MANILA, Philippines – ITINALAGA ni Pangulong Ferdinand Marcos Jr. ang top banker na si Walter Wassmer bilang miyembro ng Bangko Sentral ng Pilipinas (BSP) Monetary Board.
Sinabi ng Presidential Communications Office (PCO), si Wassmer ay dating consultant at non-executive director ng BDO Unibank, Inc. mula 2022; Senior EVP at Institutional Banking Group Head mula 1997 hanggang 2022 sa kaparehong Bangko bago pa sumapi sa public sector.
Nagsilbi rin si Wassmer bilang senior vice president ng Far East Bank and Trust Co. mula 1986 hanggang 1997; assistant vice president ng Union Bank of the Philippines mula 1983 hanggang 1986; at corporate account officer ng Bancom Finance Corporation mula 1980 hanggang 1982.
Si Wassmer ay naging corporate account officer din ng IFC Leasing and Acceptance Corp. mula 1979 hanggang 1980. Kris Jose
