MANILA, Philippines — Nagbabala ang Cybercrime Investigation and Coordinating Center (CICC) at ScamWatch Pilipinas nitong Lunes sa publiko na maging maingat sa nangungunang 12 uri ng scam ngayong kapaskuhan.
Sa press briefing sa Quezon City, sinabi ni CICC Acting Executive Director Undersecretary Aboy Paraiso na layunin ng Holiday Watch PH 2025 na turuan ang publiko kung paano iwasan ang online fraud, pekeng delivery, phishing calls, at iba pang scam.
“The holiday season is when scammers become more aggressive and creative. This awareness campaign is part of our duty to equip every Filipino with the right knowledge so they won’t fall victim to fraudulent messages, fake deliveries, phishing calls, and other kinds of scams,” Paraiso said.
Kabilang sa 12 uri ng scam ang online shopping, fake delivery, call, task/job, investment, love, loan, impersonation, travel, charity, middleman, and online gambling scams.
Binanggit ni ScamWatch co-founder Jocel de Guzman ang tagumpay ng kampanya, at pinayuhan ang publiko na isabuhay ang apat na pangunahing gawi: magdamot (maging maingat), magduda (maging mapanuri), mang-isnab (balewalain ang kahina-hinalang mensahe), at magsumbong (ireport ang scam) sa 1326.
Hinihikayat din niya ang pag-download ng Whoscall app upang makilala ang mga hindi kilalang tumatawag at mapigilan ang posibleng scam numbers. Suportado ang kampanya ng Gogolook, Meta, at Truth360 Inc. Santi Celario
