Transport holiday, bumulaga sa rush hour sa Commonwealth

MANILA, Philippines – Nagdulot ng mahabang pila ng mga pasahero at matinding trapiko ang transport holiday ng ilang PUV drivers sa Philcoa, Commonwealth Avenue sa Quezon City ngayong Lunes ng umaga.

Dumami ang stranded na commuters sa oras ng rush hour matapos magsagawa ng tigil-pasada ang ACTO bilang protesta sa pagtaas ng presyo ng petrolyo.

Dahil sa kakulangan ng sasakyan, nahirapan ang mga pasahero na makapasok, at lumala ang trapiko sa lugar. RNT