MANILA, Philippines- Inihain ni dating Senator Antonio Trillanes IV nitong Huwebes ang kanyang certificate of candidacy (COC) para sa Caloocan City mayor para sa 2025 elections.
Naghain si Trillanes, nanungkulan bilang senador mula 2007 hanggang 2019, ng kanyang COC sa designated venue ng Comelec sa loob ng isang shopping mall sa Caloocan City.
“After seeing the current state of Caloocan, it was difficult to ignore the appeal for change of the residents. This ultimately led to my decision to run for mayor,” pahayag niya.
“With my experience and track record, I believe I can bring about significant positive changes to the lives of the people of Caloocan,” dagdag nito.
Ang running mate ni Trillanes ay si dating Caloocan city councilor PJ Malonzo. Maghaharap sila ni incumbent Caloocan City Mayor Along Malapitan sa eleksyon sa susunod na taon.
Dating opisyal ng Navy officer, tumakbong senador si Trillanes sa 2022 elections sa ilalim ng opposition slate subalit hindi nanalo. RNT/SA
