MANILA, Philippines – BUMABA sa 60% ang trust at performance rating ni Pangulong Ferdinand Marcos Jr. habang nag-improve naman at nakapagtala ng 58% si Vice President Sara Duterte para sa April 2025 OCTA Research’s Tugon ng Masa (TNM) survey.
Base sa resulta ng pinakabagong survey ng OCTA Research, ipinalabas araw ng Martes, nakakuha si Pangulong Marcos ng 60% para sa kanyang trust rating at 59% naman para sa kanyang performance rating.
Ito ay mas mababa kumpara sa 65% na trust rating ni Pangulong Marcos sa 4th Quarter 2024 TNM survey at 64% performance rating na nakuha nito para sa November 2024 TNM survey.
“This marks the lowest trust rating for President Marcos Jr. since the first quarter of 2024…A downward trend in his satisfaction ratings was observed since the July 2024 TNM Survey,” ayon sa OCTA.
Gayunman, sinabi ng OCTA, na “Despite declining ratings, most adult Filipinos continue to express trust and approval for the performance of President Ferdinand “Bongbong” Marcos Jr.”
Samantala, nakakuha naman si VP Sara ng 58% para sa kanyang tust rating at 56% naman para sa performance rating of 56%. Ito ay mas mataas kumpara sa kanyang 49% trust rating sa 4th Quarter 2024 survey at 48% performance rating sa November 2025 TNM survey.
“These increases mark a clear reversal of the downward trend since December 2023. This shift (on trust rating) departs from the downward trend observed from March 2023 to November 2024, during which her highest trust rating reached around 87%,” ang tinuran pa rin ng OCTA.
Ang non-commissioned survey ukol sa Trust and Performance Ratings ng Top Government Officials ay isinagawa mula April 2 hanggang 5 sa pamamagitan ng face-to-face interviews.
Ang kabuuang 1,200 lalaki at babae na may edad na 18 at pataas ay nakapanayam para sa pag-aaral.
Ang survey ay mayroong ±3% margin of error na may 95% confidence level. Kris Jose
