MANILA, Philippines – Hindi inaalis ang posibilidad na maabot ng Tropical Storm Nando ang kategoryang “super typhoon” sa mga susunod na araw dahil bahagyang lumakas ito Biyernes ng umaga, ayon sa state weather bureau.
Sa kanilang 5 a.m. bulletin, sinabi ng Philippine Atmospheric, Geophysical, and Astronomical Services Administration (Pagasa) na huling namataan si Nando sa layong 1,075 kilometro silangan ng Central Luzon.
Taglay nito ngayon ang maximum sustained wind speed na 75 kilometers per hour malapit sa gitna at pagbugsong 90 kph, kumikilos pakanluran-hilagang-kanluran sa bilis na 15 kph.
“Nando will continue to intensify while over the Philippine Sea and may reach typhoon category by tomorrow evening,” saad ng Pagasa.
“Further intensification into super typhoon category while traversing the Extreme Northern Luzon is not ruled out,” dagdag nito.
Sinabi rin ng weather bureau na inaasahang itataas ang Wind Signal No. 1 sa Northern Luzon bukas, at “the highest Wind Signal that may be hoisted throughout its passage is Wind Signal No. 5 considering that this tropical cyclone has a possibility to reach super typhoon category.”
Ngayong Biyernes, ang labangan ng Nando, kasama ang habagat, ay inaasahang magdadala ng malakas na bugso ng hangin sa mga sumusunod na lugar, lalo na sa mga lugar sa baybayin at kabundukan na nalantad sa hangin:
Ilocos Region
Zambales
Bataan
Bicol Region
Eastern Visayas
