MALAYSIA – Hindi pa rin nahahanap ang 48-anyos na turista mula sa India na nahulog sa sinkhole sa Kuala Lumpur, Malaysia nitong Biyernes, Agosto 23.
Sa surveillance footage, makikita ang babaeng nahulog sa 8 metrong lalim na sinkhole.
Pinaghahanap pa rin ng rescue teams mula fire and rescue department ang nawawalang babae sa pitong kilometrong haba ng sewage line na accessible sa pamamagitan ng anim na manhole.
Hindi pa tukoy ng mga awtoridad ang sanhi ng sinkhole. RNT/JGC
