JAKARTA – Nilalayon ng Indonesia na ilipat ang mga bilanggo mula sa Australia, France, at Pilipinas pagsapit ng Disyembre, ayon sa senior minister na si Yusril Ihza Mahendra noong Huwebes.
Kabilang sa mga high-profile detainees ang Philippine national na si Mary Jane Veloso, isang death row inmate na hinatulan ng bitay noong 2015 matapos mahulihan ng 2.6 kilo ng heroin, at limang natitirang miyembro ng “Bali Nine” ng Australia, isang drug trafficking group.
“Our target is hopefully at the end of December, the transfers of these prisoners will have been completed,” ani senior minister Yusril Ihza Mahendra.
Si Veloso, na ang kaso ay nagdulot ng malawakang galit sa Pilipinas, ay nagpahayag ng kagalakan sa balita ng kanyang potensyal na pagpapauwi. Nagpapatuloy ang pakikipag-usap sa Canberra tungkol sa mga Australyano, na hinatulan noong 2005 dahil sa pagpupuslit ng mahigit walong kilo ng heroin mula sa Bali.
Binanggit din ni Yusril ang mga talakayan sa France para sa paglipat ng isang presong Pranses at binigyang-diin ang kagustuhan ng Indonesia para sa mga bilanggo na magsilbi sa kanilang mga sentensiya sa kanilang sariling bansa.
Gayunpaman, kinilala niya na ang pagbibigay ng amnestiya ay magiging desisyon ng mga bansang iyon. RNT
