MANILA, Philippines – Apektado pa rin ng trough ng Bagyong Choi-Wan ang Visayas at Mindanao.
Ayon sa PAGASA, ngayong Linggo, Oktubre 4 ay makararanas ng maulap na kalangitan na may kalat-kalat na pag-ulan ang Mindanao, Western Visayas, Negros Island Region, Central Visayas, at Southern Leyte dahil dito.
Ang Metro Manila at nalalabing bahagi ng bansa naman ay makararanas ng bahagyang maulap hanggang sa maulap na kalangitan na may isolated rainshowers o thunderstorms dahil sa localized thunderstorm. RNT/JGC
