Vog alert sa Bulkang Taal inilabas ng Phivolcs

MANILA, Philippines- Naglabas ng vog alert sa Taal Volcano nitong Martes, ayon sa Philippine Institute of Volcanology and Seismology (PHIVOLCS).

Naiulat ang volcanic smog sa Taal Caldera ng alas-2 ng hapon, habang may kabuuang 6,837 tonnes kada araw ng volcanic sulfur dioxide ang naitala mula Lunes.

Batay sa datos mula sa Batangas Provincial Disaster Risk Reduction Management Office narito ang mga lugar na apektado ng vog:

• Agoncillo

• Laurel

• Balete

• Sta. Teresita

• Calaca

• Mabini

• Mataas na Kahoy

• Lemery

• San Nicolas

• Talisay

Pinayuhan ng PHIVOLCS ang publiko na magsagawa ng mga kinakailangang hakbang  upang protektahan ang kanilang sarili laban sa vog, tulad ng paglimita sa outdoor activities at pagsusuot ng N95 face masks.

Nananatili ang Taal Volcano sa Alert Level 1 o Low-level unrest hanggang nitong Martes. RNT/SA