MANILA, Philippines — Sinuspinde ng Commission on Elections (Comelec) ang voter registration sa buong bansa sa panahon ng Kapaskuhan at Bagong Taon.
Ayon sa Comelec, magkakaroon ng limang araw na pahinga mula sa mga poll-related activities ngayong buwan at sa unang bahagi ng Enero 2026. Sa ilalim ng Comelec Resolution No. 11177, walang registration sa Disyembre 24 (Christmas Eve), Disyembre 25 (Christmas Day), Disyembre 30 (Rizal Day), Disyembre 31 (New Year’s Eve), at Enero 1, 2026 (New Year’s Day).
Ang mga aktibidad na ito ay kaugnay ng paghahanda para sa Barangay at Sangguniang Kabataan Elections (BSKE) sa Nobyembre 2, 2026. Batay sa pinakahuling datos, may kabuuang 1,020,694 processed voter registration applications mula Oktubre 20 hanggang Disyembre 21, kung saan 785,420 ang para sa village polls at 235,274 para sa youth voters.
Nakatakdang matapos ang voter registration sa Mayo 18, 2026. RNT
