MANILA, Philippines – Mariing tinukoy ni Commission on Audit witness Xylene Del Campo sa Day 14 ng impeachment trial na isa si Vice President Sara Duterte sa mga opisyal na mananagot sa binabawing P73.87 million na confidential fund ng Office of the Vice President (OVP) dahil hindi tanggap ang resibo.
Sa kanyang testimonya sa impeachment court, tinukoy din ni Del Ocampo na mananagot din sina Special Disbursing Officer Gina Acosta, na umaktong bilang payee gumamit ng cash advance, at Chief Accountant Julieta Villadelrey, na nagbigay ng sertipikasyon sa supporting documents na pawang kumpleto at akma.
Nalantad ito sa pagtatanong ni House Prosecution Panel Atty. Lorna Kapunan kay Del Ocampo hinggil sa ginawa ng COA nang nang matunghayan ang mga discrepancies sa acknoweldgement receipts na isinumite ng Office of the Vice President hinggil sa liquidation ng P73.387 milyon na confidential funds.
“Ano ang ginawa mo,” ayon kay Kapunan.
Ayon kay Del Ocampo: “After evaluating the response saka ang mga attachments na ito, ako po nag-draft ng notices of disallowance at isinubmit ko po ito sa aking division chief for her review.”
Pagkatapos nito, binanggit ni Del Ocampo base sa katanungan ni Kapunan na kung sino ang mananagot sa disallowance sa pagsasabing sina Vice President Sara Duterte kasama sina Acosta at Villadelrey dahil sila ang signatories sa dokumento.
Nagbalik ang impeachment trial ni Duterte nitong Martes, Agosto 11, 2026 matapos suspendihin ang paglilitis sanhi ng bagyo at malakas na ulan dulot ng Habagat.
Sinimulan ang paglilitis kay Duterte hinggil sa confidential funds ng Office of the Vice President at bilang kalihim ng Department of Education secretary.
Naunang tumetigo si Del Ocampo, miyembro ng Commission on Audit Intelligence and Confidential Funds Audit Office (COA-ICFAO) na bumalik kaninang umaga sa witness stand upang patunayan ang acknowledgement receipts (ARs) na hindi tinanggap ng COA.
Nakapokus ngayon ang prosecution sa mahigit 4, ARs. Ernie Reyes
