MANILA, Philippines – Isu-subpoena ng Department of Justice (DOJ) si Vice President Sara Duterte kasunod ng kill order laban kina Pangulong Ferdinand “Bongbong” Marcos Jr., First Lady Louise “Liza” Araneta-Marcos at House Speaker Ferdinand Martin Romualdez sa sandaling may mangyari umano sa kanya.
Sinabi ni DOJ Undersecretary Jesse Andres, may kapangyarihan ang National Bureau of Investigation (NBI) na maglabas ng subpoena kaugnay sa isinasagawang imbestigasyon nito.
Tinawag rin ng DOJ si Duterte na “mastermind” sa likod ng assassination plot.
“The premeditated plot to assassinate the President as declared by the self-confessed mastermind will now face legal consequences,” ani Andres.
Dagdag ni Andres, gagamitin ng kagawaran ang lahat ng resources nito upang matunton ang sinasabing hitman na kinausap ni Duterte. TERESA TAVARES
