MANILA, Philippines – Hinamon ni Vice President Sara Duterte ang administrasyong Marcos na patunayan ang pagiging seryoso ng anti-corruption efforts sa pamamagitan ng hindi lamang pagtutok sa flood control projects at pagsusuri sa nakalipas na budget spending.
Inihayag ito ni VP Sara Duterte sa isang chance interview sa The Hague, Netherlands, araw ng Miyerkules, kung saan muli niyang binisita ang kanyang ama na si dating Pangulong Rodrigo Duterte, kasalukuyan ngayong nasa kustodiya ng International Criminal Court para sa crimes against humanity case.
Sa nasabing panayam, nanawagan si VP Sara na panagutin ang mga opisyal at kontratista na sangkot sa di umano’y kuwestiyonableng flood control projects, binigyang diin na ang imbestigasyon ay hindi dapat na limitado lamang sa flood control.
“Let’s not stop with flood control projects. Back in 2024, last year, I already said that even just the Department of Education’s school building program was being divided among members of the House of Representatives, but no one reacted…until now, no one is speaking up, no one is investigating,” ang sinabi ni VP Sara.
“It’s not just about flood control. So, if they really want to, if the administration is serious about addressing corruption, they should look at the entire 2024 and 2025 budgets,” aniya pa rin.
Hinikayat din nito ang administrasyong Marcos na tugunan ang para sa kanya ay ‘blank items’ sa 2025 national budget, ngayon ay nasa Korte Suprema sa isang petisyon na humihiling na ideklara ang Republic Act No. 12116, o General Appropriations Act of 2025, na unconstitutional.
At nang tanungin kung may intensyon siyang dumalo sa Senate inquiry sa di umano’y maanomalyang flood control projects, sinabi ni VP Sara na walang dahilan para gawin niya ito, batid naman aniya ni Pangulong Ferdinand Marcos Jr. ang kanyang nakalipas na alegasyon subalit mas pinili ng Pangulo na manahimik.
“We already spoke up, and [Marcos] knew about it, but he didn’t react. So it’s questionable why there is suddenly an investigation into the flood control projects,” ang sinabi ni VP Sara.
“If they are really serious—and [Marcos] knows this because he used to be a governor and I was a mayor—we all know what the anomalies and corruption are in the government budget and projects. Where is all the investigation?” aniya pa rin. /Kris Jose
