MANILA, Philippines – Sinabi ng Bureau of Animal Industry (BAI) na walang kumpirmadong resulta sa laboratoryo ang naiulat na bird flu sa Tarlac.
Gayundin, wala ring natanggap mula sa lokal na awtoridad ang ahensya na ulat ukol sa outbreak.
“The BAI Animal Diagnosis and Reference Laboratory is the sole authority to officially detect and confirm positive cases of bird flu through standardized testing protocols,” saad sa pahayag.
“The BAI takes the health and safety of our poultry industry very seriously. We urge the public and media to rely on verified information and official statements from the BAI,” dagdag pa nito.
Sinabi ng bureau na kung mayroong anumang kumpirmadong kaso ng bird flu, ito ay “maagap” na ipaalam sa publiko at gagawa ng mga kinakailangang hakbang upang mapigilan at matugunan ang sitwasyon.
Nauna nang ipinagbawal ng Department of Agriculture (DA) ang pag-angkat ng mga poultry at poultry by-products mula sa Minnesota at Michigan sa United States, dahil sa mga kumpirmadong kaso ng High Pathogenicity Avian Influenza (HPAI) H5N1. RNT
