MANILA, Philippines – Walang inaasahang sama ng panahon o low pressure area na papasok sa Philippine area of responsibility (PAR) o mabubuo sa bansa ngayong linggo.
“Walang mino-monitor na sama ng panahon sa PAR. For this week ay wala tayong inaasahan na papasok o mabubuo na bagyo,” ayon kay PAGASA weather specialist Obet Badrina.
“Ngayong buwan ng Marso, hanggang isang bagyo ang maaring mabuo o pumasok sa par base sa pinakahuling datos,” dagdag pa niya.
Sa nalalabing bahagi ng bansa, ang northeast monsoon o amihan ay makakaapekto sa hilagang Luzon habang easterlies ang iiral sa nalalabing bahagi ng bansa.
Magdadala ng pag-ulan at thunderstorm ang dalawang weather system ngunit magiging maayos ang panahon sa kabuuan. RNT/JGC
