MANILA, Philippines- Tiniyak ng Department of Information and Communications Technology (DICT) sa publiko nitong Martes na sa kasalukuyan ay walang nakompromisong impormasyon kasunod ng ulat ng Chinese state-sponsored hacking na target ang executive branch.
Sa Palace press briefing, tinukoy ni DICT Secretary Ivan John Uy ang patuloy na banta ng cyberattacks, binanggit na matagumpay na nasawata ang nakaraang hacking attempts laban sa government agencies.
Ani Uy, muling pinalilitaw ng hackers ang mga lumang datos “to make an impression.”
“So far, what we have seen is that no current information has been compromised,” wika ng opisyal.
“What we have seen are old data from many years ago that are being regurgitated, recycled just to make an impression that they were successful in doing so.”
Target ng naiulat na pag-atake ng umano’y Chinese hackers ang Office of the President, at nilalayong magnakaw ng military documents na may kaugnayan sa sigalot sa South China Sea, bilang parte ng “years-long campaign.”
“We’re able to secure the systems so that it remains just an attempt and not be able to compromise some of the more sensitive data,” giit ni Uy. RNT/SA
