Warrant of arrest kay Archie, inaabangan!

Manila, Philippines- Bailable sa halagang P36,000 ang acts of lasciviousness case na kinakaharap ni Archie Alemania.

Ito’y nag-ugat sa reklamong isinampa ni Rita Daniela noong October 2024.

Nakatanggap na ng resolution ang kampo ng Kapuso actress, informing Rita’s legal counsel Atty. Maggie Abraham-Garduque.

Mula ang sulat sa Office of the Prosecutor ng Bacoor kung saan naka-file ang kaso.

Which means na aakyat na sa korte ang kaso.

Nakatakda ring ilabas ang arrest warrant para kay Archie, pero maaari naman siyang magpiyansa.

Tulad ng inaasahan, masaya ang kampo ni Rita sa development na ito.

Ani Garduque, her client is one step closer to the justice she deserves.

Matatandaang nag-ugat ang kaso sa pa-thanksgiving party ni Bea Alonzo para sa cast at crew ng Widows’ War ng GMA.

Sina Rita at Archie ay ilan lang sa cast members nito.

Dahil sa insidente, sinibak si Archie sa teleserye samantalang na-retain ang character na ginampanan ni Rita. Ronnie Carrasco III