Witness ng SEC: Batas ‘di inoobliga mga kompanya na ideklara dibidendo

MANILA, Philippines – Hindi inoobliga sa ilalim ng Corporation Code ang mga kompanya na ideklara ang mga dibidendo na binibigay nito sa mga stakeholder, ayon sa witness mula sa Securities and Exchange Commission (SEC) sa impeachment trial ni Vice President Sara Duterte nitong Martes, Setyembre 22.

Ito ang naging testimonya ni SEC Company Registration and Monitoring Department Director Gerardo del Rosario.

Sa pag-cross examine ng defense lawyer na si Atty. Justin Gular, sinabi ni Del Rosario na sa Section 42 ng Corporation Code, sinasabi na “the board of directors of a stock corporation may declare dividends out of the unrestricted retained earnings which shall be payable in cash, property, or in stock to all stockholders on the basis of outstanding stock held by them.”

Nang tanungin kung ang katagang “may declare” ay nangangahulugang ang deklarasyon ay hindi mandatory, sinabi ni Del Rosario na, “Tama po.”

Nauna nang sinabi ni Del Rosario na 10 sa 18 kompanya kung saan si Duterte o ang asawa nitong si Manases Carpio na may interes, ay hindi nagdeklara ng dibidendo sa mga taon mula 2004 hanggang 2025.

Aniya, walo sa 18 kompanya naman ang hindi nagpasa ng anumang annual financial statements kung kaya’t walang impormasyon ang SEC para matukoy kung ang mga kompanyang ito ay nagbayad ng dibidendo.

Nitong Martes, tumestigo si Del Rosario sa Section 42 ng Corporation Code na nagbibigay ng ilang exemption sa pagdedeklara ng dibidendo. Kabilang dito ang:

(a) when justified by definite corporate expansion projects or programs approved by the board of directors; or
(b) when the corporation is prohibited under any loan agreement with financial institutions or creditors, whether local or foreign, from declaring dividends without their consent, and such consent has not yet been secured; or
(c) when it can be clearly shown that such retention is necessary under special circumstances obtaining in the corporation, such as when there is need for special reserve for probable contingencies. RNT/JGC