MANILA, Philippines – Habang umiinit ang panahon sanhi ng El Nino na nakapagtala ng mataas na temperature, muling inihirit ni Senate Minority Leader Aquilino “Koko” Pimentel III na magpatupad ang pamahalaan ng work break sa trabaho.
Sa pahayag, sinabi ni Pimentel na katulad ito sa ipinatutupad na patakaran ng United Arab Emirates (UAE) na pinangangalagaan ang manggawa sa laban sa matinding init ng araw.
Hinango ni Pimentel ang mungkahi sa pangdaigdigang inisyatiba na direktiba ng Ministry of Human Resources and Emiratisation (MoHRE) sa United Arab Emirates (UAE), kaya iminungkahi ng senador ang pagtatakda ng limitasyon sa pagtatrabaho at magpapatupad occupational heat safety at health protocols.
“The Department of Labor and Employment should work with the private sector in implementing a similar policy. As I said last year, there should be a temporary work break or compulsory rest periods when the heat index reaches a danger level,” ayon kay Pimentel.
Tinukoy din ni Pimentel ang nakakaalarmang pagtataya ng Philippine Atmospheric, Geophysical and Astronomical Services Administration (PAGASA), na may nakaabang na banta sa patuloy na pag-iinit ng temperature.
“PAGASA’s warning of a ‘danger’ level heat index, ranging from 42 to 51°C in Metro Manila and other regions, underscores the urgency for swift implementation of protocols to prevent heat-related illnesses and injuries,” aniya.
Base sa datos PAGASA, ang heat index na 42 degrees Celsius ang naidekomento nitong Sabado sa Ninoy Aquino International Airport (NAIA) located sa Pasay City.
Nakapagtala ang monitoring station ng NAIA na sunod-sunod na heat index ng 43 degrees Celsius nitong March 29 at March 28, 44 degrees Celsius nitong March 27, at 42 degrees Celsius nitong March 26.
Sa gitna nang nakakaalarmang datos, iminungkahi ni Pimentel ang pagpapababa ng heat index threshold sa 40 degrees Celsius, na inorserbahan sa UAE.
“I am very much concerned about the safety of our workers, especially those working outside directly exposed to the intense heat of the sun, including construction workers among others,” ayon kay Pimentel. Ernie Reyes
