1 patay sa pagbangga ng fuel tanker sa tindahan sa Benguet

MANILA, Philippines – Patay ang drayber ng isang fuel tanker matapos na bumangga ang minamaneho nito sa isang tindahan sa La Trinidad, Benguet.

Nagdulot pa ito ng malaking sunog na umabot sa P11 milyon ang pinsala.

Sa ulat, limang tirahan at 11 sasakyan ang napinsala ng sunog na dulot ng pagbangga ng fuel tanker.

Minomonitor naman ng Rural Health Unit ng La Trinidad ang medical condition ng 29 katao.

Kinukumpirma pa ang ulat na mayroon pang isang nasawi dahil sa insidente.

Nakipag-ugnayan na ang La Trinidad Fire Stations sa kompanya na may-ari ng fuel tanker para sa siphoning, cleaning at pag-aalis ng trak.

Kasalukuyang iniimbestigahan ng pulisya ang insidente. RNT/JGC