MANILA, Philippines – Magkakaroon ng dagdag na insentibo ang lahat ng local government units (LGUs) na maayos sa pagkolekta ng buwis sakaling maipasa ang panukala ni Sen. Panfilo “Ping” M. Lacson na maglilikha ng special fund para sa local development projects.
Sa Senate Bill 405 ni Lacson, ilalaan ang isang porsiyento ng Value-Added Tax (VAT) collections para sa local development projects – na maaaring mag-udyok sa ibang LGU upang pagbutihin ang pagkolekta ng buwis.
“This bill intends to incentivize local government units (LGUs) that consistently achieve their revenue collection targets and substantially contribute to the national coffers. Such incentives are designed to serve as motivation for LGUs to facilitate business operations and reduce barriers for small entrepreneurs, hence, further enhancing tax collection efficiencies,” ani Lacson.
“Giving the LGUs the necessary wherewithal to be active participants in the development of our country will contribute to dismantling the culture of mendicancy and political patronage that viciously thrive in our system. Ultimately, this will help in the realization of the elusive inclusive growth that the Filipinos all aspire for as a nation,” dagdag niya sa panukalang may titulong “The Local Government Development Fund Act of 2025.”
Sa ilalım ng panukala ni Lacson, magkakaroon ng special fund – ang “Local Government Development Fund (LGDF)” – na ilalaan sa mga LGU na maayos ang pagkolekta ng buwis at nakatulong sa paglago ng ekonomiya.
Ani Lacson, ang LGDF ay eksklusibo para sa LGU na nakakamit ng hindi bababa sa 10% na paglago sa VAT collection performance – na papatunayan ng Bureau of Local Government Finance (BLGF) at Department of Finance (DOF).
“To ensure meaningful alignment of funds that is reflective of the needs of the communities, the LGDF shall be used solely for developmental projects, activities, and programs (PAPs) based on the LGUs’ approved Comprehensive Development Plans (CDPs),” giit ni Lacson.
Ang pondo sa LGDF ay manggagaling sa isang porsyento ng VAT collections, na itatalaga ng Bureau of Internal Revenue (BIR) at Bureau of Customs (BOC).
Isasama ang halaga para sa LGDF sa General Appropriations Act (GAA) at diretsong ibibigay sa mga LGU ng Department of Budget and Management (DBM).
Kasama sa panukala ni Lacson ang mekanismo para sa capacity-building, para tiyaking kayang gamitin ng LGU ang LGDF. Mapapabuti dito ang local governance, at ang paghatid ng serbisyo publiko habang palalakasin ang pananagutan sa mga LGU, ani Lacson.
Magkakaroon din ng web-based monitoring system para sa mga programang popondohan ng LGDF. Magkakaroon ng inisyal na P100 milyong pondo para sa sistemang ito.
Dahil sa kanyang panukala, dagdag ni Lacson, mai-institutionalize ang “rational and equitable management of resources for LGU development while allowing for a fiscal environment that fosters self-sufficiency and independence.” Ernie Reyes
