MANILA, Philippines – Naglabas ng babala sa publiko ang Food and Drug Administration (FDA) kaugnay sa pagbili at paggamit ng 10 produkto na hindi rehistrado na hindi dumaan sa evaluation process.
Noong Agosto 23, natukoy ng FDA ang anim na devices at apat na gamot na hindi ligtas.
Inalerto rin ng FDA ang mga healthcare professionals at pangkalahatang publiko na huwag bumili at gumamit ng unregistered products para sa kanilang kaligtasan.
Kabilang ang mga hindi rehistradong produkto ang “OTC Natural Green Leaf Skin Quick Clear Antifungal Cream 8g,” “Gongliuning Jiaonang 0.45g,” at “Aroma A Moringa 30 ml.”
Kinumpirma ng FDA Post-Marketing Surveillance (PMS) operations na ang nabanggit na mga produkto ay hindi dumaan sa registration process ng ahensya at kulang sa kinakailangang awtorisasyon sa anyo ng Certificate of Product Registration (CPR).
Ayon sa FDA, ang pagkonsumo ng mga ilegal na produktong ito ay maaaring magdulot ng mga panganib sa kalusugan, dahil hindi magagarantiyahan ng FDA ang kanilang kalidad o kaligtasan.
Bukod pa rito, ipinayo ng FDA laban sa pagbili at paggamit ng mga pekeng bersyon ng mga sumusunod na gamot:
Pinaalalahanan ng FDA ang mga konsyumer na bumili lamang ng produktong gamot mula sa FDA-licensed establishments.
Binalaan din ng FDA ang lahat ng establisyimento at outlets laban sa pagbebenta o pagbibigay ng mga pekeng produkto, na binibigyang diin na ang mga naturang aksyon ay lumalabag sa Republic Act No. 9711, ang Food and Drug Administration Act of 2009, at Republic Act No. 8203, ang Special Law on Counterfeit Drugs .
Binalaan ng ahensya na papatawan ng parusa ang sinumang madiskubteng nagbebenta ng pekeng gamot .
Pinag-iingat din ng FDA ang publiko laban sa medical device products na walang wastong abiso, pagpaparehistro, o isang kaukulang Product Notification Certificate.
Kabilang dito ang “Climax, Zero and Playboy” (unregistered medical device products na may foreign characters); “IDEAL VISION CENTER AQUA UV COMFORT MULTI-PURPOSE SOLUTION” ( unregistered medical device product), “RX DR. CARE NASAL OXYGEN CANNULA” (unregistered medical device), “MEDX SILICONE STOMACH TUBE 16 FR.” ( unregistered medical device), “SURRMED HOT & COLD PACK” ( unnotified medical device product), at “2 IN 1 ANTI SNORING AND AIR PURIFIER” ( unnotified medical device product).
Binalaan ng FDA ang lahat ng kinauukulang establisyimento na huwag ipamahagi, i-advertise, o ibenta ang mga “violative na produktong medikal na aparato” hanggang sa makuha nila ang kinakailangang Product Notification Certificate.
Ang hindi tatalima ay maaaring magresulta sa mga aksyong pangregulasyon at parusa, sinabi ng FDA. (Jocelyn Tabangcura-Domenden)
