MANILA, Philippines- Umabot na sa 100 ang bilang ng validates election-related incidents mula nang mag-umpisa ang election period noong January 12 para sa midterm elections ngayong taon, ayon sa Philippine National Police (PNP) nitong Martes.
Sa isang press conference, sinabi ni PNP public information office chief Police Colonel Randulf Tuaño na 16 pang hinihinalang election-related incidents ang bineberipika.
Hindi pa nagbibigay ang PNP ng update sa kabuuang bilang ng mga nasawi at sugatan. Subalit, sinabi ng PNP noong May 15 na mayroon nang 20 validated election-related killings.
Nitong Lunes, inatasan ni PNP chief Police General Rommel Marbil ang kanyang mga tauhan na bilisan ang imbestigasyon sa lahat ng validated election-related incidents at tiyaking mabilis na maisisilbi ang hustisya.
“This is a direct order from the President: We must not allow violence and intimidation to tarnish the democratic process. The PNP will act with speed, precision, and transparency to resolve all pending cases,” giit niya.
“We owe it to the public to pursue these cases with the urgency they deserve. The peaceful conduct of the 2025 elections must be complemented by a justice system that works swiftly and effectively,” dagdag ng PNP chief. RNT/SA
