MANILA, Philippines – Dapat tulungan ng gobyerno si Alex Eala na bayaran ang $10,000 na multa na maaaring ipataw ng Women’s Tennis Association (WTA) matapos piliin ng Pinay tennis star na maglaro sa national team sa paparating na Asian Games kaysa sa China Open na halos sabay ang schedule.
Sa kanyang privilege speech sa Senado kamakailan, sinabi ni Tulfo na dapat tulungan natin ang Pinay tennis star dahil mas pinili ni Eala na kumatawan sa Pilipinas kaysa maglaro nang pansarili sa China Open.
“If she is being fined because she chose to represent our people, isn’t it only right that the government extends its assistance or support to her?” ani Tulfo nitong Martes.
Ang WTA penalty na katumbas ng humigit-kumulang P620,000 ay “may be a significant amount,” ani Tulfo. “But compared to the honor of having one of our best athletes represent our country, I believe it is a price worth paying for.”
Required ang top-ranked members ng WTA na maglaro sa mga torneo nito. Isa sa mga miyembro, si Janice Tjen ng Indonesia na pangalawa sa pinakamagaling na player sa Southeast Asia kasunod ni Eala, ay nag-anunsyo noong Setyembre 11 na hindi siya sasali sa Asiad matapos tanggihan ng WTA ang petisyon na payagan siyang maglaro sa continental meet.
Gaganapin ang Asian Games sa Nagoya, Japan mula Setyembre 19 hanggang Oktubre 4, habang ang WTA China Open ay sa Beijing mula Setyembre 30 hanggang Oktubre 11.
Hiniling na ng Philippine Tennis Association (Philta) sa WTA na i-exempt si Eala para makasali siya sa Asiad. Pero sa isang pahayag, sinabi ni Philta executive director Tonette Mendoza na “Alex will definitely play at the Asian Games regardless of the WTA decision.”
Sa kanyang speech, sinabi ni Tulfo: “We should not put Alex in a situation where she has to choose. She chose to play for the Philippines instead of her professional career. She should not have to carry that burden alone.”
Kumatawan si Eala sa Pilipinas sa 2022 Asiad at nag-uwi ng dalawang bronze medals sa singles at mixed doubles events. Ernie Reyes
