MANILA, Philippines – Iniulat ng Police Regional Office (PRO) 5 (Bicol) nitong Lunes, Oktubre 14 na naaresto nito ang nasa 11 Chinese nationals na sangkot sa illegal na konstruksyon ng mineral processing plant sa Camarines Norte.
Ayon kay Lt. Col. Malu Calubaquib, PRO-5 spokesperson, ang pag-aresto ay isinagawa ng mga tauhan mula sa Bureau of Immigration (BI), Presidential Anti-Organized Crime Commission (PAOCC), Philippine National Police (PNP), at Armed Forces of the Philippines (AFP) sa Purok 6, Barangay Tugos, Paracale, Camarines Norte.
Kinilala ni Calubaquib ang mga suspek na sina
Liu Wei Xi, Chen Gui Hua, Chang Si Ci, Chen Chan Xia, Liu Wei Mang, Yu Yun Lai, Zhen Zi Yu, Li Chun, Jiu Zhong Ren, Lou Peng, at Sheng Yuan Fan.
“Their arrest was made under a mission order issued by the Bureau of Immigration against the Chinese nationals,” aniya.
Sinabi pa ni Calubaquib na ang mga suspek ay nasa kustodiya na ng BI para mas masusing imbestigahan. RNT/JGC
