MANILA, Philippines – Sinabi ng Philippine Chamber of Commerce and Industry (PCCI), pinakamalaking business sector group, na mayroong magiging magandang epekto ang pinirmahang batas na magpapataw ng value-added tax sa foreign digital service providers.
“By imposing VAT on both local and foreign digital services, the government is creating a more competitive environment for local digital service providers and greater incentives for them to innovate and improve their offerings,” saad sa pahayag ni PCCI president Enunina Mangio.
“The formalized taxation system could also encourage local service providers to formalize their businesses, thereby enhancing their credibility and building consumer trust in their services,” dagdag ni Mangio.
Nitong Miyerkules, Oktubre 2, pinirmahan ni Pangulong Ferdinand Marcos Jr. ang Republic Act No. 12023 na magpapataw ng 12% VAT sa non-resident digital services.
Sa bagong batas, inaasahan na makakakolekta ang pamahalaan ng nasa P102.12 bilyon mula 2025 hanggang 2029.
Sinabi rin ng PCCI chief na ang pagpapataw ng 12% VAT sa non-resident digital service providers ay mas magpapalakas ng kompetisyon laban sa local at foreign digital service providers, dahilan upang masiguro ang ‘fair competition’ at pagpapalago sa domestic businesses.
Ani Mangio, ang kita mula sa VAT ay maaaring i-reinvest sa ICT infrastructure, technology at digital initiatives kung saan makikinabang dito ang local service providers at creative industries.
“The new law aligns the Philippines with other countries that have adopted similar measures to capture revenue from global tech giants and digital platforms including online marketplaces, streaming platforms, cloud services, digital advertising, and the sale of digital goods,” sinabi pa ni Mangio.
Mayroon na ring ganitong regulasyon ang Singapore, Indonesia, Thailand at Malaysia. RNT/JGC
