13 kalsada sa Luzon sarado sa hagupit ni Nika

MANILA, Philippines – Sarado ang 13 road sections sa buong Cordillera Administrative Region (CAR) at Cagayan Valley Region dahil sa bagyong Nika.

Inanunsyo ni Department of Public Works ang Highways (DPWH) Secretary Manuel M.Bonoan mula sa ulat ng DPWH Bureau of Maintenance ang siyam na national road sections sa Ifugao, Kalinga at Mountain Province na hindi maaaring daanan ng mga sasakyan. Ito ay ang:

1. Banaue-Hungduan-Benguet Boundary Road (Tukucan, Tinoc, Ifugao)

2. Banaue-Mayoyao-A Lista-Isabela Boundary Road (K0341+(-880) – K0411+187, Ifugao)

3. Lubuagan–Batong-Buhay Road (Puapo, Dangtalan, Pasil, Kalinga)

4. Baguio – Bontoc Road (Namatec, Sabangan section and Malitep, Bontoc, Mountain Province)

5. Mountain Province – Cagayan via Tabuk-Enrile Road (Sameyeo, Bontoc Ili, Bontoc section and Makutiti, Sadanga section, Mountain Province)

6. Mountain Province – Ilocos Sur via Tue Road (Cabunagan, Tadian, Mountain Province)

7. Mountain Province – Nueva Vizcaya Road (Ab-ab, Bayyo section, Talubin section, Lat-ey, Samoki section, K0381+050, Samoki section, and Fanias, Samoki section, Bontoc, Mountain Province)

8. Sagada – Besao – Quirino Road (Banguitan, Besao, Mountain Province)

9. Jct Talubin-Barlig-Natonin-Paracelis-Calaccad Road (Natonin, Mountain Province) (a. K0430+600, Tonglayan; b. K0426+250, Porag; and c. K0428+800, Tonglayan)

Ito ay bunsod na rin ng pagguho ng lupa, mga bato at mudslide.

Sa Region 2, apat na road sections ang iniulat na impassable sa Cagayan at Quirino Province.

1. Itawes Overflow Bridge (Sta Barbara, Piat, Cagayan)

2. Gadu-Carilucud-Nabbotuan-Palao-Maccutay Road (Barangay Carilucud, Solana, Cagayan)

3. Jct Abbag-Nagtipunan-Nueva Vizcaya Rd via Dupax (La Conwap, Nagtipunan, Quirino)

4. Jct Victoria-Maddela-Alicia-Kasibu Boundary Road (Barangay Villa Santiago, Aglipay, Quirino)

Dahil naman ito sa mga pagbaha, pagguho ng lupa at mga bumagsak na mga puno.

Bilang karagdagan, sa Aurora at Isabela ay limitado naman ang mga sasakyan na maaaring dumaan para sa tatlong road sections. Kabilang rito ang mga sumusunod:

1. Baler-Casiguran Road (Dinadiawan-Casiguran Section, Barangay Simbahan, Dinalungan, Aurora)

2. Baler-Casiguran Road (Dinadiawan-Casiguran Section, Barangay Marikit, Casiguran, Aurora)

3. Santiago-Tuguegarao Road (Barangay San Pedro to San Pablo, Aurora, Isabela) .

Ang DPWH Disaster and Incident Management Teams (DIMT), kasama ang Quick Response Assets (QRA), ay naglagay na ng warning signs upang ialerto ang publiko hinggil sa road closures

Magsisimula naman ang clearing operations sa sandaling ideklarang ligtas ang mga apektadong lugar para sa maintenance activities. Jocelyn Tabangcura-Domenden