NAGA CITY- PATAY ang isang production operator matapos mabagsakan ng bato habang nagmamaneho ng motorsiklo at mahulog sa sementadong kanal, kahapon ng umaga, Nobyembre 11 sa lungsod na ito.
Kinilala ang biktimang si Jaymica D. Fabular, 30, soltero, contractual production operator ng Cebu Mitsumi Inc., at taga bayan ng Tuburan.
Batay sa report ng Naga City Police Station, bandang 10:00 AM nang maganap ang insidente sa Sitio Palanas, Barangay Inayagan, ng nabanggit na lungsod.
Lumabas sa imbestigasyon ng pulisya, minamaneho ng biktima ang kanyang Honda Click motorbike patungo sa pinagtatrabahuhan nito ng bigla na lamang magbagsakan ang mga bato at tumama sa biktima.
Sa bilis ng pangyayari sumemplang ang biktima at naipit ito sa malaking bato na agad naman dinala sa ospital subalit nalagutan din ng hininga habang nilalapatan ng lunas. Mary Anne Sapico
