14 lugar makararanas ng malaimpyernong init sa Martes Santo

Nagbabala ang PAGASA na aabot sa “danger level” ang heat index sa 14 na lugar sa Martes, Abril 14, 2025.

Maaaring umabot sa 43°C sa Cavite City, Puerto Princesa, Catanduanes, Iloilo, at Negros Occidental.

Siyam pang lugar gaya ng Subic, Batangas, at Davao City ay maaaring makaranas ng 42°C. Sa Metro Manila, posibleng umabot sa 40°C ang heat index.

Nasa panganib ng heat stroke ang mga lugar na may 42°C pataas.

Ayon sa PAGASA, isa o wala ring bagyong papasok ngayong Abril.

Tiniyak naman ng DOE ang sapat na suplay ng kuryente ngayong tag-init at panahon ng halalan. Santi Celario