MANILA, Philippines — Magiging host ang Pilipinas ng dalawang malalaking international tourism forums sa 2026, ayon sa Department of Tourism (DOT).
Ito ang 2026 United Nations (UN) Tourism Global Forum on Gastronomy at ang ASEAN Tourism Forum na gaganapin sa Cebu.
“Looking ahead, the Philippines prepares to host the UN Tourism Global Forum on Gastronomy and the ASEAN Tourism Forum 2026 in Cebu, affirming our leadership and resilience in shaping the future of tourism in the region,” pahayag ni Tourism Secretary Christina Frasco sa kanyang Christmas Day message.
Dagdag pa niya, sa ilalim ng pamumuno ni Pangulong Ferdinand Marcos Jr., nananatiling mahalagang haligi ng inclusive growth ang turismo sa bansa sa paglikha ng trabaho, pagbibigay-lakas sa mga komunidad at pagtiyak na umaabot ang kaunlaran sa lahat ng rehiyon, lalo na sa mga higit na nangangailangan.
Binalikan din ni Frasco ang mga pagsubok at tagumpay ng bansa ngayong taon, kabilang ang pagpasok ng Michelin Guide sa Pilipinas.
“This year tested our nation. Natural calamities struck our communities, disrupted livelihoods, and reminded us how fragile progress can be,” aniya.
“In these most difficult moments, tourism stood as a source of hope, restoring work, sustaining families, and helping communities rise with courage and resolve,” dagdag pa niya.
Nauna nang sinabi ng DOT chief na ang pagho-host ng bansa sa 10th UN Tourism World Forum on Gastronomy Tourism ay maglalagay sa Pilipinas bilang isang umuusbong na sentro ng gastronomy sa rehiyon. RNT/JGC
