BENGUET-Swak sa kulungan ang dalawang lalaki matapos na maaresto sa isinagawang anti-illegal drugs buy-bust operation ng PDEA at PNP sa Upper Tomay, Bahong, La Trinidad ng lalawigang ito kahapon, Setyembre 12.
Ayon sa PDEA-CAR, ang mga nahuling suspek ay edad 29 at 27, parehong residente ng Badeo, Kibungan, Benguet.
Ang buy-bust operation ay ikinasa ng PDEA CAR-Regional Special Enforcement Team (lead unit) kasama ang mga supporting units: PDEA CAR Land Transportation and Interdiction Unit; PDEA CAR Baguio-Benguet PO; PDEA CAR Mountain Province PO; Benguet Provincial Drug Enforcement Unit; at La Trinidad Municipal Police Station.
Sa naturang buy-bust operation ay nakarekober ang mga operating unit ng three (3) pcs elongated roll wrap with cling wrap na may kargang hinihinalang marijuana stalks with dried leaves and fruiting tops na may timbang na humigit-kumulang sa 3,000 gramo na tinatayang nagkakahalaga ng P90,000 at Fourteen (14) pcs elongated roll wrap with cling wrap and brown packaging tape na naglalaman ng suspected marijuana stalks with dried leaves and fruiting tops na tumitimbang ng humigit-kumulang sa 14,000 gramo at tinatayang nagkakahalaga ng P420,000.
Bukod sa mga hinihinalang marijuana ay may nakuha rin ang mga operating unit na non-drug evidence.
Kasong paglabag sa Section 5 in relation to Section 26 para b, Article II of RA 9165 ang kahaharapin ng dalawang naarestong suspek. Rolando S. Gamoso
