MANILA, Philippines — Inaresto ng Philippine Drug Enforcement Agency (PDEA) ang dalawang indibidwal na sinasabing mga tauhan ng Department of Environment and Natural Resources (DENR) noong Miyerkules, Nob 27.
Sa ulat nitong Huwebes, sinabi ng PDEA na binuwag ng kanilang Bukidnon Provincial Office sa Region 10 (Northern Mindanao) ang isang drug den sa Barangay Casisang, Malaybalay City, at inaresto ang tatlong indibidwal.
Nahuli ng mga awtoridad sina Venlijohn Adonis, 37, at Darryl Alima, 39, na parehong sinasabing mga tauhan ng DENR na nakabase sa Valencia City at bayan ng Manolo Fortich, ayon sa pagkakasunod.
Dinakip din nila si Vincent Adonis, 39, pribadong indibidwal sa Barangay Casisang.
Ayon sa PDEA, si Venlijohn Adonis ay isang “priority drug personality.”
Nakumpiska ang sampung gramo ng shabu (crystal meth) na nagkakahalaga ng P68,000.
Nahaharap ngayon ang tatlong suspek sa kasong paglabag sa Dangerous Drugs Act. RNT
