MANILA, Philippines – Inaasahan ng Department of Agriculture (DA) na makakatipid ng 20% sa construction cost sa oras na i-take over nito ang pagtatayo ng farm-to-market roads (FMR), mula sa Department of Public Works and Highways (DPWH) simula 2026.
“If Congress allows us under the 2026 national budget, we can use those savings to build more roads—helping farmers and fisherfolk cut production costs, reach markets faster, earn more, and ultimately lower food prices,” saad sa pahayag ni Agriculture Secretary Francisco Tiu Laurel.
Ani Tiu Laurel, ang kasalukuyang gastos sa pagtatayo ng kilometro ng concrete, two-lane FMR ay nasa P15 milyon.
Sinabi pa ng agriculture chief na ang internal management ng DA at paggamit ng bagong teknolohiya ay magpapababa nito sa P12 milyon o “even lower if we use different methods or techniques such as soil stabilizers where it is suitable in certain areas.”
Nauna nang ipinanukala ng Marcos administration ang P16 bilyong badyet para sa development ng 1,000 kilometro ng FMRs sa 2026.
Sa kabila nito, dinoble ng Kamara ang halaga sa P32 bilyon, kasunod ng direktiba ni Pangulong Ferdinand Marcos Jr. na ilipat ang flood control funds sa priority agricultural infrastructure.
Para masiguro ang transparency at bilis ng pagpapatupad ng proyekto, sinabi ni Tiu Laurel na ang DA ay makikipagtulungan sa lokal na pamahalaan, civil society organizations, at Philippine Army Corps of Engineers.
“We want every peso to go to real roads that benefit real farmers—not into the pockets of corrupt officials,” aniya.
Tinukoy sa master plan ng DA ang nasa 131,000 kilometro ng potential FMR sa buong bansa kung saan 70,000 kilometro ang nakumpleto na.
Sa kasalukuyang bilis, aabutin ang full completion nito ng 60 taon.
“We can cut that time in half with stronger coordination and smarter spending,” sinabi ni Tiu Laurel.
“Every road we build brings us closer to making farming truly profitable and food more affordable for every Filipino,” dagdag pa. RNT/JGC
