MANILA, Philippines – Inilunsad ng Philippine Postal Corporation (PHLPost) sa pagdiriwang ng Valentines Day ang special set ng stamps at souvenir na nagtatampok ng mga tradisyonal courtship customs ng mga Pilipino sa Lucky Chinatown Atrium.
Ang “Perfect Match” Valentine’s Stamps ng PHLPost para sa 2025 ay nagpapakita ng mga kaakit-akit na ilustrasyon ng mga food pairings na sumisimbolo sa pag-ibig at pagmamahalan.
Kabilang dito ang Liham ng Pag-ibig na kinakatawan ng sorbetes at monay, pagbigkas ng tula na kinakatawan ng kape at pandesal, paninilbihan na tampok ang puto at dinuguan, at harana na inilalarawan ng champorado at tuyo.
Bawat pares ay nagpapakita ng mayamang kultura ng Pilipinas at ang heartfelt na pamamaraan ng mga Pilipino sa pagpapahayag ng kanilang pag-ibig.
Sumasalamin sa mahalagang papel ng koreo ang mga espesyal na selyo sa pagkonekta ng mga tao sa pamamagitan ng mga sulat at padala, ayon kay PHLPost Postmaster General Luis D. Carlos.
Pinakakaraniwan na rin aniya ang pagpapadala ng regalo at sulat at taos pusong paraan para ipahayag ng mga tao ang kanilang pag-ibig.
“Ang serbisyo ng PHLPost sa pagpapadala ng mga liham at padala ay higit pa sa isang serbisyo—ito ay isang tulay na nag-uugnay ng mga puso sa buong mundo. Bawat liham na aming ipinapadala ay nagdadala ng kwento ng pag-ibig, alaala, at pagkakaisa,” sabi ni PMG Carlos.
Sa pamamagitan ng mga espesyal na selyong ito, hinihikayat ng PHLPost ang mga Pilipino na balikan ang mga tradisyon at panatilihin ang halaga ng pagsusulat at pagpapadala ng mga liham sa mga mahal sa buhay kahit sa digital na panahon, ayon kay PMG Carlos.
Ayon pa kay PMG Carlos, sa kabila ng mga pag-unlad sa teknolohiya, patuloy na nakakatulong ang PHLPost sa pagpapalaganap ng komunikasyon sa buong bansa.
Patuloy namang pinapahusay ang mga serbisyo tulad ng Express Mail Service (EMS) at Postal ID upang masiguro ang tiwala at kumpiyansa ng publiko.
Nagtatampok ng makulay at malikhaing ilustrasyon ng natatanging pares ng pagkaing Pilipino ang “Perfect Match” stamps ng PHLPost.
Ang mga selyong ito ay hindi lamang nagdiriwang ng Araw ng mga Puso kundi pino-promote din ang mga tradisyong Pilipino na patuloy na nakakaapekto sa modernong romansa.
Ang pagsusulat ng liham ng pag-ibig (liham ng pag-ibig), pagbigkas ng tula (pagbigkas ng tula), paninilbihan (paninilbihan), at harana (harana) ay mga kaugalian ng courtship noong nakaraan ngunit nararamdaman pa rin sa modern romance.
Sa pamamagitan ng pagsasama ng mga nostalgic customs sa mga lokal na delicacy, hinihikayat ng PHLPost ang mga Pilipino na yakapin at ipagdiwang ang walang hanggang pagpapahayag ng pag-ibig na naipasa sa bawat henerasyon. Jocelyn Tabangcura-Domenden
