MANILA, Philippines – Inaprubahan ni Pangulong Ferdinand Marcos Jr. ang Philippines’ 2026 Strategic Investment Priority Plan (2026 SIPP), isang 3-year framework na nagbabalangkas ng pinakamahalagang insentibo para pasiglahin ang investments at kalakalan sa bansa.
Nakasaad sa Memorandum Order No. 47, hinati ang sektor sa 3-tier system para sa “preferred activities for investments.”
Kabilang sa Tier I ang mga sektor na mayroong malaking potensiyal sa paglikha ng trabaho, sektor na vulnerable sa market failures na nagreresulta ng kakulangan ng mga pangunahing bilihin at serbisyo at sektor na makabubuo ng halaga sa pamamagitan ng pag-upgrade sa value chain.
Sakop din nito ang mga sektor na magbibigay ng mahalagang suporta sa iba pang businesses critical hanggang industrial development, at sektor na umuusbong dahil sa kanilang potensiyal na comparative advantage.
Sa kabilang dako, sakop naman ng Tier II ang mga aktibidad na “produce supplies, parts and components, and intermediate services that are not locally produced, but are critical to industrial development and import-substituting activities.”
Habang kasama naman sa Tier III ang mga negosyo na may kinalaman sa ‘research and development’ na nangunguna sa “higher productivity, improved efficiency, breakthroughs in science and health, and high-paying jobs,” at maging sa mga nangunguna sa ‘commercialization of patents, industrial designs, copyrights and utility models, bukod sa iba pa.
Saklaw din ng tier na ito ang mga sektor na “critical to the structural transformation of the economy and require substantial catch-up efforts,” gaya ng cybersecurity, artificial intelligence, at data centers.
Sa ilalim ng Philippines’ Corporate Recovery and Tax Incentives for Enterprises Act (CREATE), “businesses are entitled to receive income tax holidays (IHT), special corporate income tax (SCIT) rates, and enhanced deductions (ED) depending on which tier their enterprise falls under.”
Samantala, kadalasang ipinalalabas ng national government ang SIPP kada ikatlong taon dahil regular itong nire-recalibrates ang prioritization ng mga sektor na nangangailangan na palakasin. (KRIS JOSE)
