Home NATIONWIDE 24 trak ng basura nakolekta sa Maligaya Creek sa Caloocan – MMDA

24 trak ng basura nakolekta sa Maligaya Creek sa Caloocan – MMDA

June 11, 2025 13:26

BAYANIHAN SA ESTERO-RABULAN 061125 6 — TULONG-TULONG sa pagtatanggal ng sangkaterbang basura na nakaharang sa daluyan ng tubig ang mga tauhan ng MMDA Flood Control sa Maligaya Creek Brgy. 120, Caloocan City.Ito ang nagiging sanhi ng matindi pagbaha sa ibat-ibang lansangan tuwing bumubuhos ang ulan dahil sa walang disiplinang pagtatapon ng basura. JOJO RABULAN

MANILA, Philippines – Umabot sa kabuuang 24 dump truck ng basura ang nakolekta mula sa Maligaya Creek sa Caloocan City nitong weekend, sinabi ng Metropolitan Manila Development Authority (MMDA) nitong Miyerkules, Hunyo 11.

Nagsagawa kasi ng cleanup drive ang MMDA at Caloocan City LGU bilang bahagi ng “Bayanihan sa Estero” program, na layong linisin ang mga estero at kanal upang maiwasan ang pagbabaha ngayong tag-ulan.

“At least 24 dump trucks or equivalent to 48 tons of garbage were collected from Maligaya Creek since last weekend until today,” saad sa pahayag ng MMDA.

“Among the waste gathered were plastic bottles, food wrappers, and all sorts of garbage thrown indiscriminately into esteros and creeks,” dagdag pa.

Tumulong din sa cleanup drive ang mga tauhan mula sa Department of Environment and Natural Resources (DENR).

Matagal nang inirereklamo ng mga residente malapit sa Maligaya Creek ang tambak na basura at problema ng pagbaha sa lugar.

Ang National Capital Region ay mayroong 273 creeks at kabuuang haba na 570 kilometro. RNT/JGC