MANILA, Philippines- Nanguna ang graduate ng St. Louis University sa December 2024 Radiologists Technologists Licensure Examination, ayon sa Professional Regulation Commission (PRC).
Nakakuha si Nathaniel Dominic Miguel Adriano ng percentage rating na 93.0%, pinakamataas sa 2,450 technologists na nakapasa sa pagsusulit.
Samantala, si Danielle Claire Gutierrez Deboma mula sa Notre Dame Hospital at Siena College of Cotabato Inc. ang topnotcher para sa December 2024 X-Ray Technologists Licensure Examination.
Nakakuha si Deboma ng pinakamataas na percentage rating na 86.0%, mula sa 35 na pumasa sa pagsusulit. RNT/SA
