MANILA, Philippines- Magbubukas ang Saudi Arabia ng 265 fully-funded scholarships para sa Filipino undergraduate at graduate students para sa Academic Year 2025-2026.
Sinabi ng Saudi Arabian Embassy sa Manila na bahagi ang scholarships ng pagsusulong ng Kingdom ng Vision 2030 nito, kung saan nakatutok sa international education.
“The scholarships we are announcing today align with this strategic direction, which reflect the Kingdom’s continued commitment to supporting higher education for Filipino students,” pahayag ni Saudi Arabian Ambassador-designate to the Philippines Faisal Ebraheem Alghamdi nitong Miyerkyles.
Aniya, magsisilbi ang scholarships na ito bilang “strong bridge between the youth” ng dalawang bansa na inaasahang magpapalakas sa cultural at intellectual ties ng Manila at Riyadh.
Saklaw ng scholarship ang tuition fees para sa undergraduate at graduate degrees, kabilang ang financial stipends, accommodation, medical insurance, at annual round-trip air tickets.
Binibigyang-daan nito ang eligible Filipinos na makapag-aral ng anumang major, maliban sa medisina, sa Saudi Arabian universities.
Ang mga interesado ay maaaring magsumite ng kanilang aplikasyon sa pamamagitan ng “Study in Saudi” portal ng Ministry of Education sa www.studyinsaudi.moe.gov.sa. RNT/SA
