PAMPANGA, Philippines – Arestado ang tatlong drug suspect sa buy-bust operation sa loob ng isang makeshift drug den sa Barangay San Joaquin, Mabalacat City, Pampanga, nitong Linggo.
Nakuha sa operasyon ang humigit-kumulang 8 gramo ng shabu na nagkakahalaga ng P54,400, pati drug paraphernalia at buy-bust money.
Kinilala ng PDEA Tarlac Provincial Office ang operator ng drug den bilang alias “Pepe,” 37.
Arestado rin ang dalawang iba pa: alias “Mar,” 49, at alias “Mimi,” 52.
Ang mga nakumpiskang droga ay dinala sa PDEA-3 laboratory para sa forensic examination.
Ang operasyon ay joint effort ng PDEA Tarlac, PDEA Pampanga, at lokal na pulisya.
Mahaharap ang tatlo sa kasong paglabag sa RA 9165 o Comprehensive Dangerous Drugs Act of 2002. /Mary Anne Sapico
