3 arestado sa pamemeke ng diploma, iba pang dokumento sa Recto

MANILA, Philippines- Arestado ang tatlong indibidwal sa Recto Avenue sa Manila dahil sa umano’y pamemeke ng mga diploma, driver’s licenses, birth certificates at iba pang dokumento, ayon sa kapulisan nitong Huwebes.

Sinabi ng Manila Police District na nadakip ang tatlong suspek nitong Martes ng hapon sa pagsasagawa ng mga awtoridad ng entrapment operation laban sa naglipanang pekeng public documents.

Kabilang sa mga narekober na item mula sa mga suspek ang:

• pekeng drivers license 

• board na may iba’t ibang pekeng dokumento

• pekeng diploma

• ilang pekeng resibo

• pekeng kopya ng PSA birth certificate 

• pekeng cash voucher receipt

• rubber stamp

Dinala ang mga suspek at ebidensya sa District Intelligence Division ng MPD para sa imbestigasyon at wastong disposisyon.

Base sa mga pulis, posibleng maharap ang mga suspek sa reklamong falsification of public documents sa ilalim ng Revised Penal Code. RNT/SA