Home HOME BANNER STORY 3 impeachment complaints vs VP Sara ipapasa sa Speaker ngayong linggo –...

3 impeachment complaints vs VP Sara ipapasa sa Speaker ngayong linggo – Velasco

MANILA, Philippines – Sinabi ni House Secretary General Reginald Velasco nitong Lunes, Pebrero 3 na ipapasa na ang tatlong impeachment complaints laban kay Vice President Sara Duterte sa Office of the Speaker ngayong linggo.

Nakatakdang magtapos ang sesyon ng Kamara sa Biyernes, Pebrero 7, at nakatakdang magbalik sa Hunyo 2 na.

“Still with me but we have to act on it this week. We will act on it this week,” ani Velasco sa isang ambush interview.

Nauna nang sinabi ni Velasco na ilang miyembro ng Kamara ang humingi ng sapat na oras sa kanya para makapaghain pa ng ika-apat na impeachment complaint.

“As of now, wala pa eh (it has not been filed yet). So, you know, I think we have given them enough time. So we will have to transmit the impeachment complaints within this week,” paliwanag ni Velasco.

Nang tanungin naman kung wala nang pag-asa ang ikaapat na impeachment complaint, sinabi ni Velasco na:

“Hindi naman kasi nga anytime, one-third of the members can endorse it, can sign a complaint in my presence, and then diretso ‘yon sa Senate. Hindi na dadaan sa Committee on Justice.”

“They’re looking for the fast-track process. We are still looking for the fast-track process which will override all these requirements,” dagdag pa niya.

Nasa 103 miyembro ng Kamara ang dapat na mag-endorso ng impeachment complaint para ito ay maipadala naman sa Senado.

Makalipas nito ay ang Senado naman ang magdedesisyon at magsisilbing impeachment court.

Kung mangyari ito, hindi na kailangan para sa
House Committee on Justice na magsagawa ng mga pagdinig para sa impeachment complaints.

“Wala pa kami natatanggap na additional endorsers of the three complaints,” sinabi ni Velasco. RNT/JGC