MANILA, Philippines – Tatlong lugar sa bansa ang tinatayang makakaranas ng pinakamataas na heat index na aabot sa 40°C sa Sabado, ayon sa Philippine Atmospheric, Geophysical, and Astronomical Services Administration. Ang mga lugar na ito ay Dumangas, Iloilo; Borongan, Eastern Samar; at Cotabato City, Maguindanao.
Ayon sa heat index ng Pagasa, ang tatlong nabanggit na lugar ay kabilang sa kategoryang “extreme caution,” kung saan ang heat index ay nasa pagitan ng 33°C hanggang 41°C. Sa ilalim ng kategoryang ito, maaaring makaranas ang mga tao ng heat cramps at heat exhaustion, at ang tuloy-tuloy na pagkakalantad sa araw ay maaaring magdulot ng heat stroke.
Ilan pa sa mga lugar sa bansa na nasa “extreme caution” category ayon sa kanilang heat index:
39°C: Sangley Point (Cavite), Coron (Palawan), San Jose (Occidental Mindoro), Butuan City (Agusan del Norte)
38°C: Iba (Zambales), Calapan (Oriental Mindoro), Cuyo (Palawan), Legazpi City (Albay), CBSUA-Pili (Camarines Sur), Iloilo City (Iloilo), La Granja, La Carlota (Negros Occidental), Catarman (Northern Samar), Tacloban City (Leyte), Zamboanga City (Zamboanga del Sur)
37°C: NAIA (Pasay City, Metro Manila), Bacnotan (La Union), CLSU Muñoz (Nueva Ecija), TAU Camiling (Tarlac), Ambulong (Tanauan, Batangas), Puerto Princesa City (Palawan), Daet (Camarines Norte), Catbalogan (Western Samar), VSU-Baybay (Leyte), Dipolog (Zamboanga del Norte), CMU Agromet (Musuan, Bukidnon), Davao City (Davao del Sur)
36°C: Dagupan City (Pangasinan), Baler (Aurora), Cubi Pt., Subic Bay (Olongapo City), San Ildefonso (Bulacan), Hacienda Luisita (Tarlac City), Alabat (Quezon), Aborlan (Palawan), Masbate City (Masbate), Juban (Sorsogon), Roxas City (Capiz), Mambusao (Capiz), Dumaguete City (Negros Oriental), Siquijor (Siquijor), Panglao International Airport (Bohol), Guiuan (Eastern Samar), Maasin (Southern Leyte), General Santos City (South Cotabato), Surigao City (Surigao del Norte), Hinatuan (Surigao del Sur)
Pinapayuhan ng Pagasa ang publiko na maging maingat sa ilalim ng matinding init, uminom ng maraming tubig, iwasan ang matagal na pagkakalantad sa araw, at bantayan ang mga senyales ng heat-related illnesses. RNT/MND
