MANILA, Philippines- Hindi alintana ni ACT-CIS Party-list Rep. Erwin Tulfo kung tatlo man ang maging Tulfo sa Senado kasunod ng kanyang anunsyo at kapatid na si Ben Tulfo ng pagtakbo sa 2025 senatorial election.
Ayon kay Tulfo, kung tatlo man sila sa Senado, kasama ni Sen. Raffy Tulfo, desisyon na umano ito ng mga botante.
“Well, we’ll leave it to the voters. We’ll leave it to the public. Kung gusto nila, then, nasa sa kanila yun” pahayag ni Tulfo.
“Kung ayaw nila, kung ayaw nila ng Tulfo pa sa Senate, then tama na si Raffy, si Senator Raffy, then nasa tao, yun,” dagdag nito.
Si Sen. Raffy ay tumakbo noong 2022 at magtatapos ang ternino sa 2028.
Si Rep. Erwin naman ay kabilang sa Senate slate ng Alyansa Para sa Bagong Pilipinas ng administrasyon habang si Ben Tulfo ay tatakbo bilang independent candidate. Gail Mendoza
