Tabla sa unang puwesto sa April 2025 Tangere Senatorial Survey sina Ben “Bitag” Tulfo, Senador Bong Go, at Rep. Erwin Tulfo.
Nanguna si Ben Tulfo sa 55.71%, lalo na sa mga kabataang botante sa Metro Manila at Visayas.
Sumunod si Bong Go na may 55.17%, na nangibabaw sa Mindanao, habang nakakuha si Erwin Tulfo ng 54.42% at malakas sa matatandang botante sa Hilaga at Gitnang Luzon.
Kabilang sa mga nakapagtala ng pag-angat sina Senador Bong Revilla, Senador Francis Tolentino, at Rep. Marcoleta.
Pasok din sa Top 12 sina dating senador Tito Sotto, Panfilo Lacson, at Manny Pacquiao. RNT
