Home NATIONWIDE 30 prosecutors itinalaga ni PBBM

30 prosecutors itinalaga ni PBBM

MANILA, Philippines – Nagtalaga si Pangulong Ferdinand Marcos Jr. ng 30 prosecutors kabilang ang dating assistant executive secretary ni yumaong Pangulong Benigno Aquino III, para sa regional, provincial at city prosecutor’s offices sa buong bansa.

Inilabas ng Presidential Communications Office nitong Sabado, Enero 18 ang listahan ng mga bagong appointees sa National Prosecution Service ng Department of Justice.

Ang mga inilagay bilang regional prosecutors na may ranggong Prosecutor V ay sina Joy Marie Frances Cortes ng Office of the Regional Prosecutor (ORP) sa Mimaropa; Graeme June Elmido ng ORP sa Central Visayas; at Serafin Salazar ng ORP sa Calabarzon.

Inilagay naman bilang city prosecutors na may ranggong Prosecutor IV sina Reynaldo Delantar Jr. ng Office of the City Prosecutor (OCP) sa Roxas City; Julius Caesar Gaurano ng OCP sa Calaca City; at James Verduguez ng OCP sa Dipolog City.

Si Delantar ay naglingkod bilang assistant executive secretary sa Aquino administration. Itinalaga siya bilang ssistant city prosecutor na may ranggong Prosecutor II noong Enero 2022.

Dagdag pa, si Warren Wesley Malalad ay inilagay bilang provincial prosecutor ng Office of the Provincial Prosecutor (OPP) sa Occidental Mindoro bilang Prosecutor IV.

Pinangalanan naman bilang deputy provincial prosecutors na may rank na Prosecutor III sina
Doreen Dejarme ng OPP sa Dinagat Islands; Glad Ompod-Gonzaga ng OPP sa Surigao del Norte; at Mary Lou Putot ng OPP sa Isabela City.

Assistan provincial prosecutors naman na may ranggong Prosecutor II sina Maria Angelica Alonso-Obias ng OPP sa Batangas; Joseri Cabanog ng OPP sa Zamboanga del Norte; at Kristoffer Francis Jacob Concha ng OPP sa Sultan Kudarat.

Assistant city prosecutors na may ranggong Prosecutor II din sina Julius Barcinas ng OCP sa Naga City; Lyndon Escala ng OCP sa Calbayog City; Ciena Mae Juyo ng OCP sa Davao City; Catherine Angela Maralit ng OCP sa Santo Tomas City; Carlo Magno Reonal ng OCP sa Antipolo City; at Eleuterio Pascual ng OCP sa Trece Martires City.

Sina Conrado Reyes Jr. ng OPP sa Rizal at Janine Sarausos ng OPP sa Surigao del Norte ang pinangalanan bilang associate provincial prosecutors na may ranggong Prosecutor I.

Panghuli, itinalaga bilang associate city prosecutors na may rank na Prosecutor I sina Manny Jay Ragsac ng OCP sa Calamba City; Rea Jane Mendiratta ng OCP sa Dumaguete City; Johanna Bagul ng OCP sa Iligan City; Erika Collado ng OCP sa San Pedro City; Kathleen Kaye Concha-Embol ng OCP sa Dipolog City; Jovelyn Hernandez-Miraples ng OCP sa Calapan City; Esteele Vanessa Ann Hiceta ng OCP sa Santo Tomas City; Kurt Chino Montero ng OCP sa Butuan City; at Gavino Quibo Jr. ng OCP sa Mati City. RNT/JGC