MANILA, Philippines – Naharang ng Department of Migrant Workers (DMW) ang mahigit 70,000 illegal online postings patungkol sa mga alok na trabaho abroad, sa Facebook at TikTok.
Kabilang sa 71,653 pekeng job postings at account na inalis ay ang 50,220 “suspicious” posts sa Facebook at 21,433 sa TikTok.
Kailangan na maalis ang mga post na ito para sa bogus jobs abroad upang maingatan ang mga nangangarap na magtrabaho sa ibang bansa.
“As we find them, we take them down. Every illegal recruitment post we see online, we immediately report and coordinate with Facebook and TikTok for the deactivation of those accounts,” saad sa pahayag ni Migrant Workers Secretary Hans Leo Cacdac.
Ipinaliwanag niya na ang mga tiwaling kompanya ay nagpapanggap na lehitimong recruitment agencies sa paggaya ng official Facebook pages ng DMW-licensed agencies para makumbinsi ang mga aplikante.
“We had a meeting with these agencies, and Facebook agreed to take down all these copycat sites,” ani Cacdac.
“Filipino overseas jobseekers are encouraged to be more cautious against dubious job offers on social media and always verify the legitimacy of their preferred agencies to avoid falling victim to internet-related modus operandi of these illegal recruiters,” dagdag ng DMW.
Maaaring ma-check ng mga aplikante kung lehitimo ang ahensya sa pagbisita sa website ng kagawaran. RNT/JGC