MANILA, Philippines – Iniulat ng Philippine National Police (PNP) ang pag-aresto sa 3,131 na lumabag sa gun ban para sa 2025 midterm elections, 71 porsyentong pagtaas mula sa 2023.
Ang pagdami ng aresto ay dahil sa mas mahigpit na pagpapatupad at pagtutulungan ng mga ahensya.
Nakumpiska ang 3,217 na baril, halos kalahati pang mas marami kaysa noong 2023.
Inilarawan ni PNP Chief Gen. Rommel Francisco Marbil ang tagumpay bilang resulta ng tuloy-tuloy na kampanya at pakikiisa ng publiko.
Bagama’t may 49 insidente ng karahasan kaugnay ng eleksyon na nagdulot ng 20 patay at 31 sugatan, mas naging ligtas ang eleksyon ngayong 2025 dahil sa mas mahabang paghahanda at koordinasyon. RNT
