Home NATIONWIDE 32 lugar tinusta ng peligrosong damang-init nitong May 29

32 lugar tinusta ng peligrosong damang-init nitong May 29

MANILA, Philippines – Sinabi ng Philippine Atmospheric, Geophysical and Astronomical Services Administration (PAGASA) na umabot sa “peligrosong” level ang matinding init sa 32 lugar noong Miyerkules, Mayo 29.

Iniulat ng PAGASA ang pinakamataas na heat index ng araw na 47 degrees Celsius (°C) sa Aparri, Cagayan; Baler, Aurora; at Virac, Catanduanes.

Sinundan ito ng 46°C sa ISU Echague, Isabela at Butuan City, Agusan Del Norte.

Samantala, umabot sa 45°C ang heat index sa Laoag City, Ilocos Norte; Tuguegarao City, Cagayan; at Casiguran, Aurora.

Naitala rin ang 44°C heat index sa MMSU, Batac, Ilocos Norte; Bacnotan, La Union; Iba, Zambales; Sangley Point, Cavite; Ambulong, Tanauan Batangas; Infanta, Quezon; Alabat, Quezon; CBSUA-Pili, Camarines Sur; Catarman, Northern Samar; Catbalogan, Samar; at Tacloban City, Leyte.

Samantala, umabot sa 43°C sa Sinait, Ilocos Sur; Borongan, Eastern Samar; Guiuan, Silangang Samar; Maasin, Southern Leyte; at Dipolog, Zamboanga Del Norte.

Habang ang Ninoy Aquino International Airport (NAIA) Pasay City, Metro Manila; Dagupan City, Pangasinan; Calapan, Oriental Mindoro; Masbate City, Masbate; Roxas City, Capiz; Mactan International Airport, Cebu; Zamboanga City, Zamboanga Del Sur; at Surigao City, Surigao Del Norte ay nagrehistro ng heat index na 42°C. RNT