37K fans ni IU, nagtipon sa Philippine Arena!

MANILA, Philippines – Muli na namang pinatunayan ng mga Filipino ang pagmamahal ng mga ito kay IU!

Ito ay matapos ang matagumpay na “2024 IU HEREH World Tour Concert in Manila” ng top singer and actress ng Korea na si IU na ginanap sa Philippine Arena sa Bulacan nitong Sabado, June 1.

Ayon sa agency ni IU na EDAM Entertainment, nasa halos 37,000 na mga fans ang dumagsa sa concert.

Binuksan ni IU ang concert sa kanyang awiting ‘Holssi,’ na sinundan ng mga hit songs na ‘Celebrity,’ ‘Blueming,’ at ang latest niya na ‘Love Wins All.’

Humanga naman ang EDAM Entertainment sa Filipino fans dahil kabisadong-kabisado ng mga ito ang lyrics kahit pa in-Korean.

Naging masigla rin ang concert dahil game na game ang mga fans sa kanilang fanchant at interaction with IU.

Naging very memorable din para sa mga fans ang pagkanta ni IU ng awiting “Pasilyo” ng OPM band na “Sunkissed Lola.”

Ito ang kauna-unahang concert ni IU sa Pilipinas mula noong 2019, o bago ang COVID-19 pandemic. RNT/Josh Castro